ماهينور المصري إنتقلت لسجن القناطر في 18 أيار/ مايو عشان تقضّي فترة امتحاناتها في دبلومة القانون الدولي في جامعة عين شمس، وكان من المفترض إنها تنتقل لسجن دمنهور بعد انتهاء فترة امتحاناتها في 5 حزيران/ يونيو، و لكن لغاية اللحظة دي، ماهينور لا تزال في سجن القناطر وده فيه إرهاق شديد على أهلها في الزيارات لبُعد المسافة واضطرارهم للسفر من إسكندرية للقاهرة كل زيارة، وكمان في تعسيف لمحاميها في الزيارات واللي لم يتمكنوا من عمل تصاريح لزيارتها في القناطر بالإضافة لرفض سجن القناطر دخول الكتب والجوابات. حاول محاميها تقديم أي طلبات لرجوعها لسجن دمنهور إلا أن الرد كان أن ماهينور قانوناً متواجدة في سجن دمنهور وتواجدها في القناطر على سبيل الأمانة. ماهينور عقوبتها حتنتهي في 12 آب/ أغسطس القادم، سألنا في سجن القناطر كتير إمتى حيتمّ نقلها وأخدنا وعود كتيرة بسرعة نقلها وكان آخر ردّ إنها مفروض تتنقل بعد العيد ولغاية دلوقتي لم يتم نقلها و لذلك نطالب بسرعة نقلها لسجن الأبعدية بدمنهور.
#الحرية_لماهينور_المصري
من صفحة "الحرية لماهينور" (عن فايسبوك)