نداء لجمع دليل للمساجين في مصر

محتاج مساعدتكم. بجمع دلوقتي دليل للنصائح العملية اللي ممكن يستفيد منها أي حد هيدخل السجن في مصر للمرة الأولى.. ده مش تقرير عن شهادات السجناء السابقين عن التعذيب أو سوء المعاملة.. وفي نفس الوقت مش مطلوب كتابات مؤثرة عن الحرية والظلم والثورة والسياسة الخ. المطلوب إن الناس اللي دخلت السجن تنقل خبرتها للي لسه هيدخل لو كانت اتعلمتْ حاجات معينة أو طلعت بخبرات أو مرّت بمواقف لو كانت تعرفها قبل ما تدخل السجن كانت هتسهّل عليها التجربة (...) دي بعض الأمثلة التوضيحية للأسئلة:
(...) تجربتك مع الزيارات ومواعيدها، التعامل مع الملل وسبل تمضية الوقت.. الألعاب المتاحة أو المرتجلة أو الممنوعة. التريض.. في حالة أتيح لك التدريب المهني أو العمل بأجر كجزء من برامج التأهيل في بعض السجون احكي لنا عنها. كان عندك سرير وإلا مرتبة وإلا بطانية وإلا عالبلاط. التعامل مع الحر الشديد والبرد الشديد.. تجربتك مع المرض داخل السجن.. الخ
ترسل الإجابات على عنواني hossambahgat1@gmail.com في أقرب فرصة ممكنة ومرة تانية أعد بالالتزام بحماية خصوصية المرسلين وسرية هوياتهم (...) شكراً جزيلا وربنا ما يكتبها على حد.

من صفحة Hossam Bahgat (عن فايسبوك)