النّهارده كانت زيارتنا الأخيرة لماهينور قبل ميعاد خروجها في 11 آب/ أغسطس إن شاء الله. على قد ما المفروض أن تكون دي زيارة سعيدة، على قد ما اتخضّينا لما شفنا "ماهي" اللي خسّت بشكل مرعب ما بين زيارة الأسبوع اللي فات و زيارة الأسبوع ده. اليوم العاشر لإضراب ماهينور الكلّي عن الطعام هي وست من زميلاتها في العنبر السياسي بسجن القناطر تضامناً مع الدكتورة بسمة رفعت زميلتهم في الغرفة اللي النهارده بتكمل 17 يوم إضراب عن الطعام اعتراضاً على منعها المفاجئ وغير المبرر من الزيارات العائلية. البنات طلبوا من إدارة السجن إنهم يعملوا محضر يثبتوا فيه إضرابهم عن الطعام والسجن رفض (...). يوم 31 تموز/ يوليو اللي فات قدرت بمساعدة الصديق المحامي محمود بلال إننا نقدم محضر رسمي نثبت فيه إضراب ماهينور، بما أن السجن رافض يدّيهم أبسط حقوقهم في إنهم يثبتوا إضرابهم. الوضع الصحي للبنات في تدهور، خاصة مع زيادة الحرارة ومنع دخول محاليل الجفاف. وماحدّش مهتم ولا سائل فيهم.
الناس بتتعرّض للحبس والتنكيل من غير ما يكونوا أجرموا، لكن و كأن الحبس مش كفاية فيتحرموا من أبسط حقوقهم في إنهم يشوفوا أهلهم و أولادهم ساعة كل 15 يوم. ويتسابوا بيموتوا من غير محاضر تثبت إضرابهم ولا متابعة لحالتهم الصحية (...)
من الإنترنت
إضراب القناطر، والمنع من أبسط الحقوق
النّهارده كانت زيارتنا الأخيرة لماهينور قبل ميعاد خروجها في 11 آب/ أغسطس إن شاء الله. على قد ما المفروض أن تكون دي زيارة سعيدة، على قد ما اتخضّينا لما شفنا "ماهي" اللي خسّت بشكل مرعب ما بين زيارة الأسبوع اللي فات و زيارة الأسبوع ده. اليوم العاشر لإضراب ماهينور الكلّي عن الطعام هي وست من زميلاتها في العنبر السياسي بسجن القناطر تضامناً مع الدكتورة بسمة رفعت زميلتهم في الغرفة اللي النهارده بتكمل 17 يوم إضراب عن الطعام اعتراضاً على منعها المفاجئ وغير المبرر من الزيارات العائلية.
2016-08-11
شارك